Pas vdekjes së babait të tyre, dy vëllezër të ndarë për shkak të një marrëdhënieje konfliktuale mes tyre, takohen në funeralin e tij dhe është mundësia e përsosur që të përballen me demonët e së kaluarës.
Kur një gjyshe bie në dashuri me një kërkues të pafytyrë me qëllime të dyshimta, familja e saj harton një plan sekret për të mbrojtur jetën e saj dhe trashëgiminë e tyre.
Matvey, një sipërmarrës ndërtimi i ofron Elyas, studente ekologjie një bast: shtatë ditë romantike sipas rregullave të tij. Nëse pas shtatë ditësh vajza vendos të largohet, do refuzoj të bëj një ndërtesë në parkun pyjor.
Ndonjëherë, frika jonë më e madhe është të pranojmë, se dikush mund të na dojë sinqerisht për ata që jemi. Nica dhe Rigeli janë gati ta zbulojnë së bashku.
Arabella është një nimfomane. Një ditë, burri i saj shkrimtar e gjen atë me një burrë tjetër. Ajo ka një reagim të çuditshëm: Arabella vret të dashurin e saj.
Trajneri Oronzo Canà thirret për të menaxhuar Longobarda, skuadrën e një qyteti të vogël të Italisë Veriore, kur ajo të promovohet në Kategorinë e Parë. Detyra e tij e vetme është të mos kthehet në Kategorinë e Dytë, por edhe pronari i skuadrës luan kundër Longobarda pasi Kategoria e Parë është shumë e shtrenjtë dhe lojtari i ri brazilian i blerë për skuadrën është i prekur nga 'saudade' e thellë.
Frymëzuar nga ngjarjet e vërteta që ndodhën gjatë rivalitetit të ashpër midis Gjermanisë (Audi) dhe Italisë (Lancia) në Kampionatin Botëror të Rellit 1983.
Trip, një Elf që ndërton armë të çuditshme dhe jo lodra, kryqëzohet me Elian, një fëmijë i turpshëm nga një fshat në malet italiane. Fillimisht në mosmarrëveshje, të dy duhet të bashkohen për të shpëtuar Krishtlindjet nga një biznesmen i pamëshirshëm.
Osso dëshiron të shpëtojë lumin Delta nga peshkimi i tepërt në duart e Florianëve. Florianët kanë me vete Elia-n, i cili ka lindur në ato troje. Dy burrat do të përballen me njëri tjetrin.
Jeta e joshësit serial Gianni është e destinuar të ndryshojë kur ai takohet me Chiaran, një grua e bukur që ka pësuar një aksident dhe është një paraplegjike.
Për të nderuar dëshirën e fundit të shoqes së saj të ngushtë, një vajzë që vuan nga krizat e ankthit, përballet me frikat e saj më të mëdha në jetë dhe synon... të gjejë dashurinë e saj.
Marko, Tato, Serena dhe Leo janë katër miq të ngushtë e te pandashëm, të gatshëm ta mbrojnë njëri-tjetrin nga shokët e klasës që i ngacmojnë.
Secili prej tyre ndihet i lënë pas dore në familje.
Në festën e ditëlindjes së Markos, të katër shokët shprehin një dëshirë që do t'iu ndryshojë tërësisht jetët.
Një playboy i pasur e kalon kohën duke luajtur pa kujdes me femrat. Pas joshjes dhe largimit të modeles Franceska, ai bëhet i magjepsur pas Emanuelës misterioze, e cila dëshmon se është po aq mashtruese sa ai dhe ka një axhendë edhe më të keqe.
Në Romën e viteve 1970, Adriana adoleshente shpërngulet në një apartament të ri me familjen e saj. Ndërsa prindërit e saj zihen vazhdimisht, ajo refuzon emrin dhe identitetin e saj, duke dashur të bindë të gjithë se është djalë.
Pas shumë e shumë ditësh, javë e net pa gjumë, dhe pas shumë mundimesh e rrezikim të jetës, policët dhe hetuesit përndjekës të Bernardo Provenzanos, arrijnë ta kapin Kumbarin e Fundit që kërkohej prej 40 vitesh për vrasjet e bëra nën drejtimin e Cosa Nostras.
Pas kapjes së Salvatore Riina, komanda e Cosa Nostras i kaloi Bernardo Provenzanos. Provenzano është njeriu që, bashkë me Riinan, ka marrë pjesë në drejtimin e Mafies dhe ka urdhëruar vrasjet e shumë figurave të njohura, duke përfshirë edhe gjykatësit Falcone e Borsellino. Provenzano trashëgoi nga Riina një Cosa Nostra të dobësuar nga luftërat me shtetin dhe nga humbjet e njerëzve të tyre. Dalëngadalë dhe pothuajse në heshtje, Provenzano e ringre sërish, por këtë herë me shumë zgjuarsi dhe me paqe, pa pranuar të bëjë luftë me shtetin, duke preferuar të qëndrojë në hije dhe të jetë i padukshëm. Në këtë mënyrë, arriti ta bëjë më të fortë dhe më të rrezikshme Cosa Nostran. Për kumbarin e fundit në fakt nuk dihet pothuajse asgjë: të penduarit nuk tregojnë asgjë, nuk e dinë ku fshihet, shumë pak e dinë ç’fytyrë ka, sepse e vetmja foto e tij është bërë 50 vite më parë, kështu që, Bernardo Provenzano, kreu i një prej organizatave më të rrezikshme, është një fantazmë. Për ta kapur, policia italiane vendosi të krijonte një grup me hetues specialistë që kanë vetëm një qëllim, një mision: t’i japin fund përndjekjes më të gjatë në histori kriminale.
Ngritja dhe rënia e perandorisë së mixtape-ve pirate të tre vëllezërve nga Napoli dhe kasetat e tyre "Mixed by Erry", që sollën muzikën pop në rininë italiane të viteve 1980.
Zhvillimet e ngjarjeve kriminale të ndodhura në rrugicat si labirint në Amanin Lindor, ku një vëzhgues shantazhues nis një seri ngjarjesh të paqëllimshme, duke bërë që jetët e banorëve të përplasen dhe që të shpërthejë kaosi.
Irene ishte vetëm tetë vjeç kur u ndodh dëshmitare e vdekjes së të atit. E përhumbur nga ndjenja e fajit që nuk mund të kujtojë fytyrën e vrasësit, ajo bëhet një adoleshente rebele e introverte me obsesionin e vetëm për të vënë drejtësi. Irene lë shkollën dhe fillon një punë në një fabrikë.
Që në momentin e parë që e sheh, Mikele ndjen menjëherë një instinkt të fortë mbrojtës ndaj saj, i cili shumë shpejt kthehet në dashuri. Irene, plotësisht e pavetëdijshme, fillon të hapet dhe të besojë tek ky njeri që e ndjek. Pastaj ndodh diçka e çuditshme.
Shtatë gra dhe misteri i një vrasje që qëndron mes tyre. Por nuk është veçse një mister. Janë shtatë mistere, shtatë sekrete që mbartin ato në lidhje me vdekjen e të zotit të shtëpisë. Çfarë fsheh secila prej tyre? Kush është vrasësi? Kush e kurdisi gjithë skenarin misterioz?
Në korrik të vitit 2001, mbi 200 mijë njerëz dalin në rrugët e Xhenovas për të protestuar kundër samitit të G8-ës. Aktivistët e anti-globalizmit u përleshën me policinë, ku mbetet i vdekur protestuesi 23 vjeçar Karlo Xhuliani, i qëlluar nga policia. Pas kësaj policia organizon një bastisje në shkollën Diaz Paskoli në Xhenova, ku ishin strehuar qindra njerëz të paarmatosur dhe protestues, aty ishin kryesisht studentë dhe gazetarë të pavarur që dokumentuan brutalitetin e policisë gjatë protestave.
'Ajo çka ndodh ato ditë, quhet shkelja më e rëndë e lirive civile në një vend demokratik perëndimor që nga Lufta e Dytë Botërore'.
Regjisori Paolo Sorrentino sjell dramën e tij personale ku tregohet jeta e bukur dhe plot gjallëri e një adoleshenti, merr një kthesë të fortë pas një tragjedie në familje, e cila e detyron të rritet para kohe dhe të marr vendime për të ardhmen. Film i bazuar në histori të vërtetë!
